‘भारत माझा देश आहे सारे भारतीय माझे बांधव आहेत .समृध्दितेने व विविधतेने नटलेल्या भारताचा मला अभिमान आहे. हि प्रतिज्ञा म्हणताना आपल्याला आपल्या देशाविषयी अभिमान असण्याबरोबरच देशासाठी आपण स्वतःला करावयाची कर्तव्याविषयी जागरूकता असणे गरजेचे आहे.विविध नैसर्गिक सौंदर्याने नटलेल्या या देशात सध्या वाढत्या लोकसंख्येमुळे असंख्य बाबींमुळे कच-याचे प्रमाण ,अस्वच्छतेचे प्रमाण वाढतच आहे. Cleanliness is next to Godliness-म. गांधी या घोषवाक्यास अनुसरून मा.पंतप्रधान यांनी नेमके आपल्य मर्मावर बोट ठेवून स्वच्छता अभियानाची सुरूवात केली आहे.या अभियानाचा भाग म्हणूनच महाराष्ट्रात विद्यार्थांमार्फत स्वच्छतेचा संदेश गावागावात ,घरोघरात पोहचवला जाणार आहे.राज्य शासनामार्फत शाळां शाळांमध्ये हा उपक्रम सुरू केला असून बालदिनापासून या मोहिमेची सुरूवात करण्यात आली आहे.विद्यार्थीच आता स्वच्छता दूत बनून स्वच्छतेबाबत समाजात जनजाग्रृती करणार आहेत. बालवयातच मुलांवर स्वच्छतेचे संस्कार रूजावेत यासाठी बाल स्वच्छता मोहिम महत्वाची आहे आणि येथूनच माझ्या शाळेत स्वच्छता अभियानाला सुरूवात झाली. परिसर का स्वच्छ ठेवायचा?कसा स्वच्छ ठेवायचा ? हे सर्व त्या विद्यार्थ्याना आधी सांगितले .कच-यामुळे रोगराई पसरते ती कशी दूर केली जाईल हे समजावून.सांगितले.ह्या सर्व गोष्टि विद्यार्थ्याना समजल्या.कुठेहि कागद किंवा अन्य कोणतीहि टाकाऊ वस्तु टाकायची नाहि शाळेतील सर्व विद्यार्थ्यांनी शाळेची स्वच्छता केली.आठवड्यातील काहि तास विद्यार्थी स्वच्छतेसाठी दिला. मुले जेवणापुर्वी व नंतर,स्वच्छताग्रृहाचा वापर केल्यावर हात स्वच्छ धुवू.लागले.हात धुण्याच्या जागी साबण,पाणी ,हातरूमाल यांची ऊपलब्धता व्हायला लागली प्रत्येक विद्यार्थ्याने तीन ते चार कुटुंबाना भेटि देऊन स्वच्छता ,आरोग्य ,निटनेटकेपणा आदि माहिती दिली.मी स्वतः कचरा करणार नाहि आणि दुस-यालाहि करू देणार नाहि .स्वच्छतेची सुरूवात मी स्वतःपासून करेन आणि गल्लोगल्ली स्वच्छ भारत अभियानाचा प्रचार करेन, अशी शप्पथ या उपक्रमांतर्गत मुलांना देण्यात आली.शाळेतील सर्व विद्यार्थ्यांनी पेन्सिलला टोक काढली तरी वर्गात कचरा टाकत नाहित त्यासाठि वेगळी सोय करतात.दप्तर वेळच्या वेळी धुणे स्वच्छ ठेवणे हे सर्व विचार विद्यार्थ्यांना समजले आणि काय? विद्यार्थीच शाळा आणि शाळेचा परिसर स्वच्छ करू लागले! या मोहिमेच्या माध्यमातून विद्यार्थांबरोबर पालकांचेहि आरोग्य निरोगी राहण्यास मदत होणार आहे असा मला विश्वास वाटतो.
– रेणुका जाईल