छत्रपती शिक्षण मंडळ या संस्थेने १९९६ साली “माध्यमिक विद्यामंदिर रातवड” हि शाळा ताब्यात घेऊन चांगली शाळा चालविण्यास प्रारंभ केली. मधली काही वर्ष १० वी रिझल्ट वाढीसाठी प्रयत्न. नवीन इमारत बांधकामाचा प्रयत्न सुरु झाला आणि २००५ साली खासदार निधी, दानशूर व्यक्तींच्या माध्यमातून निधी व संस्था हिस्सा मिळून दोन मजली टुमदार १३ वर्गखोल्या,एक प्रशस्थ सभागृह अशी इमारत उभी राहिली. जुन्या संस्थेतून प्राप्त तीन एकर जागेचे मैदान असे सर्व घेऊन शाळा वाटचाल करीत असताना,संस्थेच्या मार्गदर्शनाखाली शाळा प्रमुख म्हणून श्री. जाधव सर समाजातील दानशूर / समाजहित व्यक्तींना भेटून शाळेच्या क्रीडामहोत्सव, स्नेहसंमेलन,विविध उपक्रम इ. साठी व्यक्तींना शाळेपर्यंत प्रमुख पाहुणे म्हणून आणू लागले. त्याचा व्हायचा तो चांगला परिणाम दिसू लागला. शाळेतील शिस्त – गुणवत्तेचा परिणाम म्हणून आर्थिक देणगीत त्याचा परिणाम सुरु झाला. पाहुण्यांचा फीडबॅक हे शाळेचे वैशीष्ठ. त्यातून शाळेस आवश्यक असलेले १२५ बेंचेस, इमारतीस आवश्यक असलेले इलेक्ट्रॉनिक साहित्य, ट्यूब, FAN, काचेचे फळे, अद्ययावत प्रयोगशाळा,स्वतःची संगणक LAB, उभी राहिली. स्वच्छ प्रसन्न वातावरणात भर घालणेसाठी ‘माजी विद्यार्थी संघ’ स्थापन करून तीन एकर जागेचे उत्तम मैदान निर्माण झाले. मैदानावर हिरवळ निर्माण करणे व खेळाचे मैदान वगळून काही भागात आवश्यक असलेली भाजीपाला लागवड करणेसाठी देणगीतून 3HP चा थ्री फेज कनेक्शन मिळवून भाजीपाला, हिरवळ, दर्शनी भागातील, lawn, फुलझाडे आज प्रसन्न व आनंद देण्याचे काम करतात. तीन एकर जागेला संरक्षक म्हणून जमीन मोजणी करून संपूर्ण तारेचे कुंपण लोखंडी गे चीर्याच्या बांधकामातील दर्शनी केलेला भाग शाळा आकर्षक करण्यास भर घालते. इमारत बांधून दहा वर्ष झाली म्ह्नणून औइलपेंट ने संपूर्ण हिरवागार रंगाने शाळा रंगवून ताजेतवाने वातावरण निर्माण झाले. विशेष म्हणजे रंगरंगोटीला गालबोट लागेल असे एकही कृत्य कर्मचारी, विद्यार्थी वर्गाकडून अजिबात घडत नाही हे विशेष. शाळेच्या दर्शनी भागात विविध प्रकारच्या वृक्षाच्या (सावलीचे) लागवडीने शांत वातावरण बनले आहे. वनौषधी व अन्य विशेष १०० झाडे लावून विशेष प्रयोग सुरु आहे. यावर्षी त्यात भर म्हणून ३८ शेवग्याची व १० आंब्याची कलमे लावून ती जाणीवपूर्वक वाढवली जात आहे. गाडीतळ /सायकल तळ पत्रा शेड/ १४ नळ स्टड वरील पत्राशेड विशेष शोभा वाढवीत आहेत. मागील वर्षी अद्ययावत असे मुलीसाठी स्वच्छतागृह, पाच संडास, ७ मुतार्या, नळ बेसिन रोटरी क्लब माणगाव यांनी बांधून दिले. त्यात भर म्हणून या वर्षी मुलांसाठी जुन्या स्वच्छता गृहाशेजारी ‘स्वदेश’ या संस्थेकडून अद्ययावत २ संडास, ४ मुतार्याची इमारत बांधून मिळाली. सोबत १४ नळांचे कनेक्शन पैकी ७ नळांना फिल्टर केलेले swaस्वच्छ पाणी व ७ नळांना पाणी सुरु झाले. यापूर्वी रोटरीचे माध्यमातून २ LCD Projector अद्ययावत अभ्यासक्रमासह E-Learning सुरु असून, भर म्हणून आज सर्व वर्गात नेता येईल असा LCD Projector उपलब्ध होत आहे. तसेच ८ वी च्या ४२ विध्यार्थ्याना TAb चे (शै. अभ्यासक्रमासह) वाटप शिवसेना पक्षाच्यावतीने देण्यात आले आहेत. शाळा डीजिटल करण्याकडे १००% प्रयत्नरत असलेली आपली शाळा आहे. भौतिक सुविधेच्यादृष्टीने शाळेत जे शहरातील शाळेत उपलब्ध आहे ते सर्वच ग्रामीण भागातील शाळेत उपलब्ध झाले आणि विशेष क्रमाने हे सर्व स्थानिकपातळीवर पाहुणे व्यवस्था उपलब्ध करून रिलेशन, फीडबॅंक इ. चे माध्यमातून निर्माण झाले. विशेष बाब म्हणजे या महिन्यात शाळेमध्ये दोन वर्षाच्या प्रयत्नानंतर ३ KW वीजनिर्मिती करणारी सौरऊर्जा यंत्रणा चार दिवसापासून कार्यान्वित झाली. या वीज निर्मितीतून शाळेची गरज भागून MSEB ला सुद्धा वीज विकली जाईल. टाटा पॉवर व MSEB जवळ २५ वर्षाचा करार झाला आहे. या शिवाय गरजू, गरीब विध्यार्थ्यांच्या शै. फी पोटीहि देणगी उपलब्ध होतेय. शिवाय दरवर्षी अशा मुलांसाठी व त्यांच्या पालकांसाठी शहरामधून वापरायोग्य कपडे, चप्पल, शै. साहित्य मिळवून , कापड दुकानदाराकडून न विकले गेलेले परंतु उत्तम असे कपडे उपलब्ध करून देण्यात येतात. दुपारच्या पोषण आहार भोजनात आवारात पिकविलेल्या भाज्यांचा वापर केला जातो. शैक्षणिक बाबीत दहावीचा १००% निकाल परंपरा रूढ झाली असून, गेली तीन वर्ष N.M.M.S. या स्पर्धा परीक्षेत शाळा रायगड जिल्ह्यात प्रथम क्रमांकात आहे. संस्था पातळीवरील विविध स्पर्धामध्ये शाळेचे नाव आहे. या वर्षी महाराष्ट्र शासन स्वयं मूल्यमापन शाळा सिद्धी मध्ये ९९९ पैकी ८८७ गुण मिळवून शाळा ‘ब’ श्रेणीत आहे. भौतिक सुविधांसोबत गुणवत्तेत अधिक करण्याची धडपड सुरु असून आपणासारख्याचे मार्गदर्शन अधिक आवश्यक आहे. वरील सर्व बाबी मा. संस्थेचे माजी व आजी संस्था पदाधिकारी यांचे मार्गदर्शनामुळेच शक्य झाल्याचे मुख्याध्यापक सांगतात शाळेमध्ये १६ CCTV कॅमेरा बसविलेले असून, ८ कॅमेरे तीन एकर परिसर व ८ कॅमेरे वर्ग्खोलीतील भागावर नियंत्रण ठेवत आहेत. शाळा व परिसर ११० % CCTV कॅमेरा नियंत्रणाखाली आहे.